Մեր սիրելի պատմություններից շատերը վերջանում են` նրանք ապրեցին երջանիկ՝ մինչև խոր ծերություն։ Ցավոք, մեր իրականության մեջ հաճախ չեն հանդիպում նման պատմություններ։ Երջանիկ ընտանիք ունենալու համար շատ աշխատանք և ջանք է պահանջվում։ Ահա չորս կարճ խորհուրդներ, որոնք հեշտ կլինի հիշել։
1.Փայփայել
Ձեր զույգը նվեր է Աստծո կողմից։ Սերը միայն զգացմունք չէ, այլ` գործողություն։ Համոզվեք, որ Ձեր սիրո համար Դուք գործում եք։ Դա կարող է լինել միասին զբոսանքը, անակնկալ նվերը կամ ընթրիքը ձեր սիրած ռեստորանում և այլն։ Հոգատար եղեք Ձեր զուգընկերոջ նկատմամբ և ցույց տվեք դա Ձեր քայլերով, թե որքան եք սիրում նրան։
2. Հաղորդակցվել
Կիսվեք ձեր մտահոգություններով և զգացմունքներով միմյանց հետ։ Քննարկեք ստեղծված խնդիրները մասին` միասին ելք որոնելով, երազեք մասին։ Մի ձանձրացրեք դիմացինին։ Աստվածաշունչն ասում է`վայելուչ խոսքը մեղրախորիսխ է, քաղցր է հոգուն և բժշկություն՝ ոսկորներին։
3. Փոխզիջում
Սիրո ամենամեծ խոչընդոտը եսասիրությունն է: Ամուսնությունը երկու հոգու միավորումն է։ Դուք միշտ չէ, որ կարող եք ունենալ այն, ինչ ուզում եք։ Դուք պետք է գնաք փոխզիջման և անեք դա Աստծո շնորքով։ Աստվածաշունչն ասում է` սերը իր սեփական շահը չի փնտրում։
4. Տեր Հիսուս Քրիստոս
Ամուսնության կենտրոնում ամենակարևոր տեղը հատկացրեք Տեր Հիսուս Քրիստոսին։ Ընդունեք Տեր Հիսուսին Ձեր կյանք և փնտրեք Տիրոջ կամքն ամեն օր։ Տեր Հիսուսն այն ամուր հիմքն է, որի կարիքն ունեք և՛ Ձեր կյանքում, և՛ ամուսնության մեջ։
Հաջողված ամուսնությունը երեք հոգու միավորումն է` տղամարդ, կին և Աստված։ Ընտանիքը սուրբ է Աստծո համար, իսկ սուրբ ամուսնությունը երջանկության աղբյուր է, որը բխում է Հիսուս Ժայռից։ Տեր Հիսուս Քրիստոսին հավատալն ու ապավինելն ամենակարևորն է երջանիկ ընտանիք ունենալու հարցում։
Բացեք Ձեր սիրտը Տեր Հիսուսի առջև։ Եթե թույլ տաք, որ Նա լինի ձեր ամուսնության մեջ գլխավորը, ապա ձեր ընտանիքը կլինի ամուր և երջանիկ։