Վիշտ բառը ասոցացվում է սիրելի մարդու կորստյան հետ կամ հարաբերությունների փլուզման հետ։ Սակայն վիշտը միայն մարդու կորուստով չի սահմանափակվում։ Վշտի պատճառ կարող է լինել մերժման նամակը կամ անպատասխան թողնված զանգը և այլն։ Ձեր տխուր իրավիճակներում հաճախ կարող եք մտածել`որտե՞ղ է Աստված։
Աստված ցանկանում է, որ իմանաք` Նա Ձեր կողքին է և Նա կարող է Ձեր դժվարին իրավիճակներից ելքի ճանապարհ ցույց տալ։
Դուք մենակ չեք։ Չնայած այն տառապանքին, որի միջով անցնում եք, Երկնային Հայրը չի լքել Ձեզ։ Նա տեսնում է Ձեր ցավն ու տառապանքը։ Աստվածաշունչն ասում է`ձեր Տեր Աստվածն ինքն է գնում ձեզ հետ. նա ձեզ չի թողնի և ձեզ չի լքի։
Նա գիտի Ձեր թափած արցունքների մասին և Իր սիրտը ցավում է Ձեզ համար, որովհետև Նա սիրում է Ձեզ։ Գրված է` Տերը մոտիկ է սիրտը կոտրվածներին և փրկում է վշտաբեկ հոգիներին։ Խոսեք Աստծո հետ այնպես, ինչպես կխոսեիք Ձեր ընկերոջ հետ։ Նա ուզում է Ձեզանից լսել Ձեր խնդիրների մասին։
Դուք կարևոր եք։ Խզված հարաբերությունները չեն կարող սահմանափակել նրանց, ովքեր իրենց ինքնությունը գտնում են Տեր Հիսուս Քրիստոսում: Աստվածաշունչը հստակ ասում է` թեկուզև հայրս ու մայրս լքեն ինձ, բայց ինձ ընդունում է Տերը։ Երբ դու թույլ տաս, որ Աստված լինի քո Տերն ու Փրկիչը, դու կդառնաս Նրա զավակը։
Դուք կարող եք հաղթահարել բոլոր փորձությունները։ Աստվածաշունչն ասում է` բայց այս բոլոր բաներում առավել ևս հաղթում ենք նրա միջոցով, ով մեզ սիրեց։ Աստված տվել է Ձեզ սիրելու և սիրվելու փափագը։ Նա չի թողնի քեզ։ Նա կսրբի քո արցունքները, կբարձրացնի ընկածդ տեղից և կմոռանաս քո մերժվածությունը։
Չկա ոչ մի վերջնաժամկետ։ Հաղթանակը խոստացված է Տեր Հիսուսով, բայց այդ ամենի լուծումը միակողմանի չէ։ Վերականգնումը ժամանակ և ներում է ակնկալում։ Ավետարանիչ Բիլլի Գրեհեմը համեմատել է այն բարդ վիրահատության հետ։ Ինչպես Ձեր մաշկին, ջիլերին և մկաններին է պետք ժամանակ վերականգվելու համար, նույնպես և Ձեր զգացմունքներին է ժամանակ հարկավոր։
Դուք կրկին կսիրեք։ Բացի այն, որ Աստված կարող է հանել Ձեզ այդ վիճակից, Նա կարող է վերականգնել Ձեր սիրտը, եթե Դուք թույլ տաք Նրան լցնել Ձեզ Իր կատարյալ և հավատարիմ սիրով։ Մենք կարող ենք լցվել միայն Նրանով և վերականգնվել։ Գրված է` ձեզ նոր սիրտ պիտի տամ և նոր հոգի պիտի դնեմ ձեր մեջ, ձեր մարմնից պիտի վերցնեմ քարե սիրտը ու ձեզ մարմնեղեն սիրտ տամ։
Թո՜ւյլ տվեք Աստծուն բուժել Ձեր մերժվածությունը` վերսկսելով Տեր Հիսուսի հետ քո հարաբերությունները։