Ինչպե՞ս սկսել նոր կյանք

Դուք միգուցե հիասթափված եք Ձեր կյանքից, պայքարում եք, որ դուրս գաք առօրյայից կամ  ցանկանում եք հանձնվել, ապա նորից սկսել՝ ի վերջո ցանկանալով հասկանալ, թե որտե՞ղ է կյանքի վերսկսման կոճակը:

Դուք, հավանաբար, բազմիցս հանդիպել եք այս բոլոր հարցերին, բայց ահա ևս մեկ հարց, որը պետք է հաշվի առնել՝ Դուք երբևէ կարդացե՞լ եք «ամենամեծ» գիրքը, որը գրվել է այն մասին, թե ինչպես սկսել նոր կյանք: Այդ գիրքը Աստվածաշունչն է, և եթե Դուք երբեք չեք կարդացել այն, նշանակում է Դուք բաց եք թողել կյանքի ամենամեծ ճշմարտությունները:

Ինչպե՞ս եք վերսկսում Ձեր կյանքն Աստվածաշնչի հետ: Աստվածաշունչը պարզապես «ինքնօգնության» գիրք չէ, քանի որ ասվում է, որ մենք չափազանց թույլ ենք մեր կյանքը փոխելու համար: Մենք չենք կարող մեզ դարձնել այնպիսին, ինչպիսին պետք է լինենք: Ոչ ոք չի սիրում դա խոստովանել, բայց դա ճիշտ է, և Դուք դա գիտեք Ձեր սեփական փորձով:

Աստվածաշունչը մեզ ցույց է տալիս Աստծուն, Ով միակն է, որ կարող է փոխել Ձեզ և Ձեր կյանքը: Դուք չեք կարող վերականգնել Ձեր կյանքը, բայց Աստված կարող է և Նա Ձեզ հնարավորություն կտա, եթե թույլ տաք Նրան: Աստվածաշունչն ասում է՝ «Ամեն բան կարող եմ ինձ զորացնող Քրիստոսով» (Փիլիպպեցիս 4։13)։ Աստված սիրում է Ձեզ և Նա չի ցանկանում, որ Դուք մնաք անօգնական և հուսահատ Ձեր հետագա կյանքի ընթացքում:

Այսպիսով, ինչպե՞ս է պետք սկսել նոր կյանք: Այն սկսվում է ապաշխարությունից. հայտնեք Աստծուն, որ մեղք եք գործել և ուզում եք հեռանալ Ձեր հին ապրելակերպից: Դուք պետք է դիմեք Հիսուս Քրիստոսին և խնդրեք Նրան, որ Նա տիրի Ձեր կյանքում՝ որպես Փրկիչ և Տեր: Երբ Դուք դա անեք, Աստված Ինքը կգա և կապրի Ձեր մեջ Իր Հոգով: Այնուհետև Դուք կբացահայտեք նույն ճշմարտությունը, որը բացահայտեց Պողոս Առաքյալը՝ «Իսկ եթե մեկը Քրիստոսի մեջ է, նոր ստեղծված է. հներն անցան, ահա ամեն բան նոր եղավ» (Բ Կորնթացիս 5։17

Կընդունե՞ք արդյոք Հիսուս Քրիստոսին հենց հիմա

Ահա թե ինչպես կարող եք ընդունել Քրիստոսին՝

  • Ընդունեք ձեր կարիքը: (Ես մեղավոր եմ):
  • Պատրաստ եղեք շրջվել /ետ դառնալ ձեր մեղքերից (ապաշխարել) և խնդրել Աստծո ներումը:
  • Հավատացեք, որ Հիսուս Քրիստոսը մահացավ ձեզ համար խաչի վրա և հարություն առավ գերեզմանից:
  • Աղոթքի միջոցով հրավիրեք Հիսուս Քրիստոսին ներս մտնել և կառավարել ձեր կյանքը Սուրբ Հոգու միջոցով: (Ընդունեք Հիսուսին որպես Տեր և Փրկիչ)

Մենք առաջարկում ենք այսպիսի աղոթք.

«Սիրելի Աստված, ես գիտեմ, որ մեղավոր եմ: Ես ուզում եմ ետ դառնալ իմ մեղքերից և խնդրում եմ Քո ներումը: Ես հավատում եմ, որ Հիսուս Քրիստոսը Քո Որդին է: Ես հավատում եմ, որ Նա մահացավ իմ մեղքերի համար, և որ Դու Նրան հարություն տվեցիր: Ես ուզում եմ, որ Նա մտնի իմ սրտի մեջ և տիրի իմ կյանքին։

Ես ուզում եմ վստահել Հիսուսին որպես իմ Փրկիչ և այս օրվանից հետևել Նրան որպես իմ Տեր: Հիսուսի անունով, ամեն»:

Դուք աղոթե՞լ եք Հիսուս Քրիստոսին ընդունելու և նրա հետ հարաբերություններ սկսելու համար:

Այո, աղոթեցի Ես հարց ունեմ
Barilur.am © 2025 Բոլոր իրավունքները պաշտպանված են!