Մայր լինելը կապ չունի թույլ սրտի հետ։ Երբեմն հարց է առաջանում` արդյոք ես լա՞վ մայր եմ։ Դա ծանր աշխատանք է, անգամ`չգնահատվող։ Լավ մայր լինելը բարի գործ է, որն իր մեջ ջանք է պահանջում։ Աստվածաշունչն ուղեցույց է ծնողներին երեխաների դաստիարակության գործում։
Դիտարկիր այս խորհուրդները՝ ինչպե՞ս լինել լավ մայր։
1. Սիրեք ձեր երեխաներին։
Թույլ տվեք երեխաներին իմանալ, որ Դուք սիրում եք նրանց։ Մայր լինելը դժվար է, երբեմն` հոգնեցնող։ Երեխաները չեն հասկանում ֆիզիկական և էմոցիոնալ ապահովության, հոգատարության և պաշտպանության գինը։ Իրենց անմեղության մեջ նրանք դա ընդունում են որպես կանոն։ Լավ մայրը գիտի, որ իրական սերը զոհաբերող է` տալ առանց վերադարձի խոստման։ Աստվածաշունչն ասում է` չկա ավելի մեծ սեր, քան կյանքը դնել մեկ ուրիշի համար։
2. Ասա`ո՛չ։
Սիրիր քո երեխաներին այնքան, մինչև ասես ոչ, երբ նրանք սխալ են գործում։ Կրկնեք դա կարգապահությամբ (առանց բարկանալու)։ Վստահ եղեք, որ Դուք և Ձեր ամուսինը միակարծիք եք, եթե նույնիսկ երեխաները հմտորեն խաղում են մի ծնողին մյուսի դեմ տրամադրելու հարցում։ Պետք է թույլ տալ, որ երեխան ունենա իր սեփական ճանապարհը։ Լավ մայրը նախորոք գիտի, թե ինչ սահմանափակումներ պետք է դնի իր երեխաների համար` միաժամանակ պատրաստակամ աջակցելով նրանց: Աստվածաշունչն ասում է՝ իր որդուն սիրողը ուշադրությամբ է խրատում նրան։ Լավ մայրը սովորեցնում է կարգապահություն, որովհետև սիրում է։
3. Ստեղծել միջավայր։
Ոչ ոք չի կարող լինել այնպիսին, ինչպիսին ինքն է պատկերացնում: Մեզ անհրաժեշտ է հանգստանալ`թեկուզ մի քանի րոպե։ Օրվա վերջում դա կարող է հրաշալի անդրադառնալ Ձեր ինքնազգացողության վրա։ Իմաստուն մայրը կարողանում է ժամանակ տրամադրել վերալիցքավորվելու և թարմանալու համար։ Երեխաները կնկատեն դա։
4. Ներիր ինքդ քեզ։
Դուք կարող եք սխալներ գործել։ Դուք կատարյալ չեք, և դա բոլորովին նորմալ է, եթե Ձեր երեխաները գիտեն այդ մասին։ Բայց կարևոր է իմանալ՝ ինչպե՞ս ճիշտ վարվել։ Լավ մայրիկը ներողություն է խնդրում իր երեխաներից, երբ կա դրա կարիքը։ Ոչ միայն դա, լավ մայրը գիտի, որ իրեն պետք է Աստծո ներողամտությունը, որպեսզի կարողանա լիովին սիրել և ներել ուրիշներին:
Լավ մայր լինելը կամ երեխայի կյանքում Ձեր ցանկացած դերակատարում ունենալն սկսվում է սրտի խաղաղությունից: Խաղաղությամբ լցվում ենք Աստծուն ճանաչելուց, Ով ստեղծել է մեզ։ Աստված, ով ուղարկեց Իր Որդուն՝ Հիսուս Քրիստոսին, որ մեռնի Ձեզ համար, որպեսզի Դուք կարողանաք ներվել, որպեսզի կարողանաք ապրել հույսով լի, ազատ սիրել և ծառայել Ձեր երեխաներին: