Աստվածաշունչը մեծագույն նշանակություն է տալիս մարդու կյանքին: Աստված ստեղծել է մարդուն Իր նմանությամբ, և մարդն անգնահատելի է Աստծո համար։ Աստվածաշունչը չծնված երեխային համարում է լիարժեք մարդ։
Աստվածաշունչն ասում է`«որովհետև դու ստեղծեցիր իմ ներքին անդամները և ծածկեցիր ինձ իմ մոր որովայնում։ Գոհանում եմ քեզնից, որովհետև ահավոր և զարմանալի կերպով ստեղծվեցի. զարմանալի են քո գործերը, և իմ անձը լավ է հասկացել։ Իմ ոսկորները չծածկվեցին քեզնից, երբ ես ստեղծվեցի ծածուկ տեղը, և ճարտարությամբ կազմվեցի երկրի խորություններում»։ (Սաղ. 139:13-15)։
Շատ մարդկանց համար աբորտն իրենց խնդիրների լուծման տարբերակներից մեկն է։ Աստված է ստեղծել կյանքը և Տերն է պահպանում այն։ Յուրաքանչյուրիս տրվել է կյանքի շունչը, և մենք պարտավոր ենք պաշտպանելու այն, ինչ տրված է մեզ մեր երկնային Հորից։ Կյանք պարգևելու և կյանքն ընդհատելու բացարձակ իրավունքը միայն Աստծունն է։
Մարդու կյանքը Աստծո մեծ սիրո դրսևորումն է: Հղիության արհեստական ընդհատման ճիշտ կամ սխալ լինելու տարակարծիքներն առհասարակ անընդունելի են: Երբ մարդիկ հանձնվում են Աստծուն և թույլ են տալիս առաջնորդելու նրանց կյանքը՝ համաձայն Նրա սիրառատ արդարության, գալիս է իրական խաղաղությունը։ Մարդիկ, ովքեր ընդդիմանում են Աստծո օրենքին, հաճախ կարծում են, որ այն սահմանափակող և դժվար է։ Դա իրականում այդպես է, քանի որ Նա սիրում է մեզ և ցանկանում է պաշտպանել մեզ, ինչպես այս վտանգի առջև կանգնած երեխաներին։ Աստված ուզում է, որ մենք էլ միմյանց սիրենք։ Աստվածաշունչն ասում է`«ոչ ոքի ոչինչ պարտական չմնաք, բացի միմյանց սիրելուց, որովհետև ընկերոջը սիրողն օրենքը կատարել է։ Սերն ընկերոջ նկատմամբ չարիք չի գործի. ուրեմն օրենքի լրումը սերն է»։ (Հռմ. 13:8,10)։
Եթե Դուք զղջում եք անցյալում կայացրած որոշումից կամ հիմա կանգնած եք ընտրության առջև, նախ իմացեք, որ Աստված սիրում է Ձեզ և Տերը ելք ունի պատրաստած Ձեր դժվարին իրավիճակների համար։