Ամեն օր վատ լուրեր` պատերազմ, հիվանդություններ, աղետներ և մահեր։
Կարծես ինչ-որ բան այն չէ այս աշխարհի հետ։
Որքան շատ ես նայում աշխարհում կատարվող իրավիճակներին, այնքան դժվար է դառնում հաղթահարել մեր անհանգստությունները, որովհետև ամենուր խնդիրներ են, իսկ ապագան՝ անհայտ։
Դու պետք է աչքերդ վեր բարձրացնես խնդիրներից և սովորես վստահել Աստծուն։ Դու չես կարող տեսնել ապագան, որքան էլ ջանաս։ Դա կարող է դառնալ խնդիրների պատճառ։ Մեր անհանգստությամբ ոչինչ չենք կարող փոխել, չնայած հեշտությամբ մոռանում ենք խնդիրների մասին։ Տեր Հիսուսն ասում է` ձեզանից ո՞վ կարող է հոգալով իր հասակի վրա ևս մի կանգուն ավելացնել (Մտթ. 6:27)։
Երկու արտահայտություն պետք է մնան Ձեր սրտում, երբ մտածում եք Ձեր ապագայի և աշխարհում կատարվող իրադարձությունների մասին։ Դրանք են՝ «շնորհակալություն հայտնել» և «վստահել Աստծուն»։ Նախ՝ սովորեք շնորհակալ լինել Աստծուց այն ամենի համար, ինչ ունեք, և այն ճանապարհների համար, որով օրհնվել եք։ Նույնիսկ եթե դժվարություններ կան մեր կյանքում, մենք պետք է շնորհակալ լինենք Աստծուց անգամ դժվարության համար։
Կարդացեք շատ ուշադիր՝ դուք չգիտեք ապագան, բայց Աստված գիտի։ Ամենակարևորն այն է, որ Աստված վերահսկում է ամեն բան։ Տերը սիրում է մեզ և վերահսկում է մեր ապագան։ Մենք կարող ենք վստահել Աստծուն և թույլ տալ, որ Նա վերահսկի մեր կյանքը։
Երբ մտածում ես քո ապագայի մասին և աշխարհում կատարվող իրարանցումների մասին, նախ՝ վստահիր Աստծուն քո կյանքը, ապա՝ գոհացիր Տիրոջից քո կյանքի համար։