Ինչո՞ւ հենց ես։ Ինչպե՞ս եմ անցնելու այս ամենի միջով։ Ի՞նչն իմ հետ այն չէ։
Աշխարհում, որտեղ ծագում են բազում հարցեր, անհնար է թվում ստանալ բոլոր հարցերի պատասխանները։ Մեր բոլոր հարցերի պատասխաններն ամփոփվում են Տեր Հիսուսի ներկայության մեջ։ Տեր Հիսուսն աշխարհ եկավ մեզ փրկելու՝ մեղքով ու տառապանքներով լի աշխարհից։
Հիսուս Քրիստոսն Աստված է՝ սուրբ և ամենագետ, Ով գիտի մեր ապագան։ Ինչ դժվարության էլ բախվենք կյանքում, Նա արդեն գիտի և կարո՛ղ է առաջնորդել մեզ մեր դժվարին իրավիճակների միջով։ Դա չի նշանակում, որ մենք այս աշխարհում դժվարություններ չենք ունենա, կամ չենք ասի, թե ինչու են վատ բաներ տեղի ունենում։ Դա նշանակում է, որ մենք կունենանք մեկին, ում կարող ենք հուսալ փորձության ժամանակ։
Տեր Հիսուսի անուններից է նաև Էմմանուելը, որը նշանակում է «Աստված մեզ հետ»։ Նա իսկապես միշտ մեզ հետ է։ Նրա ներկայությունը փոխում է մեր կյանքը և թույլ է տալիս մեր առջև ծառացած խնդիրներին նայել Իր աչքերով։
Տեր Հիսուսի սերը մեր հանդեպ ավելին է, քան մենք կարող ենք լիարժեք հասկանալ։ Սիրո պատճառով Տեր Հիսուսն Իր կյանքը զոհեց մեզ համար, ապա հաղթեց մահը՝ հարություն առնելով, որպեսզի կարողանանք լիարժեք կյանք ունենալ և մի օր հավերժությունն ապրել Իր հետ միասին՝ հեռու այս աշխարհի խնդիրներից։
Երբ ձեր գլխում հարցեր ծագեն, կենտրոնացրեք ուշադրությունը Հիսուս Քրիստոսի վրա, ով Աստված է մարդու մարմնում և բոլոր հարցերի պատասխանը։
Ինչպես Աստվածաշունչն է ասում․ «Քո բոլոր ճանապարհներին ճանաչիր Նրան, և Նա կուղղի քո ճանապարհները»(Առակաց 3:6)։
Այս խոստումները նախատեսված են ձեզ համար։
Կարդացեք հետևյալ ճշմարտությունները՝ հասկանալու համար, թե ինչպես կարող եք հարաբերություններ հաստատել Հիսուսի հետ, ով ցանկանում է ձեզ հետ լինել այս ճանապարհին՝ ամեն քայլում։