Սատանան իրական է և ազդեցություն ունի մեր կյանքում։
Լյուցիֆերն Աստծո հրեշտակներից մեկն էր, ով վտարվեց Երկնքից իր հպարտության պատճառով։ Ավելի հայտնի է որպես սատանա կամ դև։ Նա ամեն ինչ անում է, որ քեզ նույնպես թույլ չտա Երկինք մտնելու։ Նա ամեն ժամանակ ուզում է որսալ մեր հոգիները` որպես գլխավոր զենք օգտագործելով հպարտությունը, որպեսզի մենք ծուղակում հայտնվենք։ Մեղքի միջոցով նա մարդկանց ստրկացնում է և իր կամքն է թելադրում։ Սատանան գայթակղության միջոցով զրկում է մարդկանց Տիրոջ ներկայության մեջ ապրելու իրավունքից։
Դուք անկասկած լսել եք նրա շշուկները` «սուտը բիզնեսի մի մասն է», «ոչ ոք չի նայում քեզ, գողացիր» և այլն։ Աստվածաշունչը սատանային անվանում է ստության հայր։ Նա ցանկանում է գողանալ, սպանել և ոչնչացնել բոլորին, ում կարող է: Ահա, թե ինչու է Աստվածաշունչը մեզ զգուշացնում` «եղեք զգոն և սթափ մտքով. Ձեր թշնամին՝ սատանան, շրջում է մռնչող առյուծի պես՝ փնտրելով մեկին, ում կուլ կտա» (Ա Պետրոս 5.8)։
Սատանան գիտի, որ իր երկրային թագավորության ժամանակը լրանում է։ Աստված կվտարի նրան դժոխք` հավիտենական պատժի վայր։ Ովքեր մերժել են Աստծուն ինչպես սատանան, նրանք էլ կդատապարտվեն հավիտենական կորստյան։
Աստված չի ուզում, որ ինչ-որ մեկը դժոխք գնա, և Տերը չի ուրախանում, երբ ինչ-որ մեկն այնտեղ է հայտնվում։
Տեր Հիսուսը մահացավ, որպեսզի Իրեն հավատացողը կյանք ունենա։
Սատանան ամեն ինչ անում է, որ խափանի Աստծո ծրագիրը յուրաքանչյուր մարդու կյանքում։
Այսպիսով, ո՞րն է քո ընտրությունը` հավիտենությունը Տեր Հիսուս Քրիստոսի հե՞տ, թե՞ թշնամու հետ։