Եթե կարճ, ապա՝ այո՛։
Աստված հաստատ սիրում է Ձեզ։ Դուք կարող եք դժվարությամբ հավատալ այդ ճշմարտությանը։ Միգուցե Դուք զգում եք, որ արժանի չեք։ Ճշմարտությունն ամենևին չի փոխվում Ձեր մտածելակերպից։
Արդյո՞ք Աստված սիրում է ինձ… անգամ այն բոլոր բաներից հետո, ինչ արե՞լ եմ։ Աստվածաշունչն Աստծո սիրո ապացույցն է և դա կրկնվում է սկզբից մինչև վերջ։ Պատմությունը պատմության ետևից ցույց է տալիս, որ Աստծո սերը Իր ժողովրդի հանդեպ հաստատուն է անգամ այն ժամանակ, երբ մենք արժանի չենք։ Աստվածաշունչն ասում է՝ հավիտենական սիրով եմ սիրել քեզ, դրա համար ողորմությամբ քեզ դեպի ինձ քաշեցի։ (Երմ. 31:3):
Աստված չի կարող ստել և Նրա խոսքը մեզ վստահեցնում է, որ Նրա սերը անփոփոխ է։
Որքա՞ն է Աստված սիրում ինձ։ Այս հարցի ամենամեծ և լավագույն պատասխանը գտնվում է Նրա Որդու՝ Հիսուս Քրիստոսի մեջ։ Աստված ուղարկեց Իր միակ Որդուն երկիր՝ զոհաբերելու Իր կյանքը մեզ համար:
Պատկերացրեք՝ արթնանում եք կեսգիշերին՝ ծխի հոտից և թրթռացող կրակի լույսից։ Դուք անմիջապես օգնություն եք կանչում, և ինչ-որ մեկը պատասխանում է Ձեզ։ Նրանք ներխուժում են Ձեր դռնից և Ձեզ ապահով վայր են ուղեկցում, հետո հայտնաբերում եք, որ այդ մարդը կորցրել է իր կյանքը՝ փրկելով ուրիշներին։ Արդյոք Դուք երախտապարտ չէի՞ք լինի Ձեր կյանքի համար և Ձեր հերոսի զոհաբերության համար։ Աստվածաշունչն ասում է՝ ոչ ոք ավելի մեծ սեր չունի, քան նա, ով իր կյանքն է տալիս իր բարեկամների համար։ (Հովհ. 15:13):
Սա այն է, ինչ Տեր Հիսուսն արել է Ձեզ համար։ Ձեր մեղքերի պատճառով Դուք գնում էիք մահվան ճանապարհով՝ դեպի հավիտենական կորուստ, բայց Տեր Հիսուսը փրկեց Ձեզ և Իր վրա վերցրեց այն պատիժը, որին Դուք էիք արժանի։ Ինչո՞ւ Տեր Հիսուսն արեց դա Ձեզ համար։ Որովհետև Նա սիրում է Ձեզ թանկագին սիրով և ուզում է հավիտյան Իր հետ լինեք Երկնքում։ Աստվածաշունչն ասում է՝ արդ Քրիստոսի սիրուց մեզ ո՞վ կբաժանի. (Հռմ. 8:35)։
Մի պահ կանգ առեք և գոհացե՜ք Աստծուց Իր սիրո, ներողամտության և Իր Որդու համար։ Պատրա՞ստ եք ընդունել Տիրոջ սերը և հանձնել Ձեր կյանքը Տեր Հիսուսին։