Տեր Հիսուսը ծնվել է ախոռում։ Նա մեծացել է փոքրիկ գյուղում՝ Նազարեթում, որտեղ սովորել է ատաղձագործություն: Տեր Հիսուսն ապրում էր խոնարհ կյանքով։ Նա չձգտեց փառքի և մարդկանց կողմից հատուկ պատվի Նա չարժանացավ: Չնայած Տեր Հիսուսը լիովին մարդ էր, Նա ոչ մի անգամ մեղք չգործեց Իր երկրային կյանքի ընթացքում: Նա քայլեց այս երկրի վրայով այնպես, ինչպես մենք բոլորս: Նա մեզանից մեկն էր։ Նա երկրի վրա ապրած միակ անմեղ մարդն է: Հակառակորդները՝ հրեաները, ջանք չէին խնայում Տեր Հիսուսին մեղքի մեջ գցելու, բայց ապարդյուն․ Նա կատարյալ էր:
Հիսուսն ապրում էր մեր մեջ, որպեսզի մենք կարողանայինք տեսնել Աստծուն մեր աչքերով, ձեռքերով դիպչել Աստծուն, շրթունքներով խոսել Աստծո հետ, լսել Աստծո խոսքը մեր ականջներով և ապրել Աստծո հետ այս աշխարհում: Նա արեց այս ամենը, որպեսզի մենք կարողանանք սովորել, թե ինչպես նմանվել Նրան՝ Աստծո Որդուն: Մենք նույնպես կարող ենք դառնալ Աստծո զավակներ: Տեր Հիսուսը մեզ ցույց է տվել, թե ինչպես ապրել, սիրել և ընդունելի լինել Աստծուն, ով Նրա Հայրն է և մեր Հայրն է: Բայց սա այն ամենը չէ, ինչ Տեր Հիսուսն արեց մեզ համար:
Հիսուսը երկիր եկավ ավելի քան 2000 տարի առաջ՝ փրկելու մեզ մեր մեղքերից, որոնք մեզ բաժանում են Աստծուց: Միայն Նա ուներ զորություն և կարողություն մեզ հաշտեցնելու Աստծո հետ: Ւնքնակամ խաչվեց մեր փոխարեն՝ վճարելով մեր մեղքերի գինը, մահացավ և հարություն առավ մեռելներից, ճանապարհ բացեց Աստծո հետ հավիտենությունն ապրելու համար:
Տերը կենդանի Աստված է: Նա ցանկանում է լինել քո Տերն ու Փրկիչը, բայց նաև՝ քո ընկերը: